Familia Martínez Elorza

David Jiménez Martínez logroñarra da, eta amaren aldetik Viñaspreko (Arabako Errioxa) mahastizain familia batetik dator. Nekazaritza ingeniaritza eta enologia ikasi zituen, sei hilabete eman zituen Moueix familiarekin Bordelen, Errioxako hainbat upategitan lan egin zuen eta 2020an Frantziara itzuli zen, Rodanora, Guigal familiarekin. Bere lehen uzta 2022koa izan zen, 2.650 botila eskas.

Familiaren 17 hektareetatik 3,5 bere ardoetarako ditu, 2020tik ekologikoan eta 2017tik herbizidarik gabe. Bere ardo beltzak Viñaspreko hiru mahasti nahasten ditu, 32 eta 51 urte bitartekoak, harea, hareharri eta marga buztintsuen gainean, Kantabriako mendilerroaren babesean: eskuzko mahats-bilketa, % 40 mordo osoa, hartzidura espontaneoa tina irekietan eta hamabi hilabete behin erabilitako Frantziako eta Hungariako haritzezko barrika eta bocoyetan.